المهاجري: ’’لي باغي الخير للبلاد إطلق من العثماني والمصلحة العامة فوق الايديولوجيات‘‘ ونحمدوا الله على نعمة الملكية

هشام المهاجري، برلماني عن إقليم شيشاوة، ورئيس لجنة الداخلية والجماعات الترابية والسكنى وسياسة المدينة بمجلس النواب

صوت الأحرار / الرباط

لي باغي الخير للبلاد إطلق من العثماني وحتى البيجيدي ، عندنا بزاف ديال الحوايج باش نشدوا فبعضنا ونختالفوا سياسيا وإيديولوجيا ، أما مساهمته من موقعه الدستوري كرئيس لحكومتنا فهو موقفنا جميعا . و نجيكم من الاخر السياسة كتحنت وكيفما كنقول لي قال العصيدة باردة يزيد . والحمدلله جلالة الملك خرجنا من موقف الكركرات رافعين روسنا، بالعكس زدنا مكاسب دبلوماسية ومزال إقتصادية فالمستقبل . بالطبع احنا كأحزاب عندنا مرجعيات ومتوافقين على ما يجمعنا ولكن تدبير الدولة أكبر من كلشي . وهنا غادي نسول بعض السياسيين خصوصا القدام

1 ــ  شكون وزير الخارجية لي كان وقت الاعتراف بموريتانيا ؟ اليس من الحزب لي ديما كيقول ان المغرب يمتد لنهر السينغال

2 ــ  شكون الوزير الاول لي دار أكبر عملية خوصصة فالمغرب ؟ ماشي الحزب لتبنى على الاشتراكية ومبادئها المعروفة عالميا

3 ــ  من ينزل اليوم تطوير العلاقات مع إسرائيل ؟ اليس الحزب ذو المرجعية الاسلامية

خلاصة القول الدولة والمصلحة العامة فوق الأحزاب والإيديولوجيات و نحمدوا الله ونشكروه على نعمة الملكية.

وبيناتنا تكلموا لينا على 21 يوم ديال الحجر والسدان ديال المطاعم، ونسولوه أش غادي يدير مع مواليها، فين وصل الفاكسان ديال كورونا، اشمن خبار على الفيروس الجديد؟ هنا انأ معاكم اما نشدوا فيه على مصلحة البلاد سمحوا لي قولوا الله يكون فعوانهم وباركا علينا عديان الخارج و يارب ينصرنا عليهم وإحفظ هذا البلاد